Кілт сөздер
Дәйексөзді қалай келтіруге болады
Аңдатпа
Емтихан стрессі университет студенттерінің академиялық үлгеріміне, психологиялық әл-ауқатына және денсаулығына теріс әсер ететін кең таралған әрі маңызды фактор болып табылады. Психологиялық воркшоптарды өткізу емтихан стрессі мәселесін тек жеке-психологиялық құбылыс ретінде ғана емес, сонымен қатар білім беру ұйымының басқарушылық міндеті ретінде қарастыруға мүмкіндік береді. Стрессті бастан кешіретін студенттердің жоғары үлесі және сессияға субъективті тұрғыдан дайын еместігін көрсететіндердің айтарлықтай пайызы академиялық нәтижелілік пен білім беру процесінің тұрақтылығына жүйелік тәуекелдердің бар екенін көрсетуі мүмкін.
Зерттеудің өзектілігі қарқынды оқу жүктемесі жағдайында өзін-өзі реттеу дағдыларын қалыптастыруға бағытталған тиімді, практикалық-бағдарланған құралдарды әзірлеу және енгізу қажеттілігімен айқындалады. Воркшоп барысында қатысушылар бірқатар жедел (экспресс) әдістер мен когнитивті-мінез-құлықтық техникаларды меңгерді. Өткізілген воркшоптардың нәтижесінде топтардағы эмоционалдық шиеленіс деңгейінің төмендеуі, бақылау сезімінің қалыптасуы байқалды, сондай-ақ алынған құралдардың, әсіресе тапсырмаларды құрылымдау және когнитивті қайта құру тұрғысынан, жоғары практикалық құндылығы расталды.
Практикалық-бағдарланған воркшоптар студенттік ортада стрессті басқару мүмкіндігін дәлелдейді және оларды университеттерде жүйелі түрде қолдануға ұсынуға болады.